Siglir tar il cuntegn
cuntegn

Chatscha 2014 Spievlar sco preparativa da la chatscha

Per ina chatschadura u in chatschadur èsi impurtant dad enconuscher ses territori. In’impurtanta part da las preparativas sin la chatscha è il spievlar. Uschia san ins tge animals ch’èn avant maun ed ins sa gia in zic sentir il spert da la chatscha.

Guido Candrian sa prepara sin la chatscha.
Legenda: Guido Candrian sa prepara sin la chatscha. RTR, M. CANDRIAN

Cun in perspectiv u in spievel lung n’èsi dentant betg uschè simpel da chattar la selvaschina ch'ins tschertga. Quai sa mussa era tar Guido Candrian da Sagogn che va gia dapi il 2005 a chatscha. Schegea che la glisch è buna èsi grev da chattar ils chamutschs si en ils auts.