Chatscha bassa – interess pli e pli bass

Entant che la chatscha auta stat en il focus da l’interess chala quel per la chatscha bassa dad onn ad onn. Dapi 30 onns sminuescha la quantitad da chatschaders da passa 2’500 giu sin bundant 1’500

Laschar ir video «Ir a chatscha bassa n’è betg en il trend»

Ir a chatscha bassa n’è betg en il trend

5:01 min, Telesguard dals 12.10.2016

La chatscha bassa saja la pli bella chatscha insumma. Quai as auda adina puspè. E malgrà tut chala la quantitad da chatschaders che van a chatscha bassa. Quel trend as po observar dapi 30 onns. Ils ultims 10 onns è daventà quel svilup anc pli svelt.

Dapi il 2010 sa sminuescha la cifra da chatschaders da radund 1’800 sin be gist 1’500 chatschaders ids per la patenta.

Chatscha bassa n’è betg impurtanta per regular la selvaschina

Per l’uffizi da chatscha e pestga n’è quai dentant nagin problem, di l’inspectur da chatscha Georg Brosi. La chatscha bassa n’haja betg la medema funcziun per regular las populaziuns dals animals selvadis. La lieur ha inimis e cun quai vegn quella populaziun reglada a moda natirala. La cifra da lieurs restia pli u main constanta tar 2’000 tocs, uschia Georg Brosi.

Era la chatscha bassa ha ses aderents

In da quels è Reto Demonti da Scuol. El va a chatscha da lieurs, vulps e giaglinas selvadias. Co che Reto Demonti va a chatscha bassa ha mussà il Telesguard.