Èn las finamiras per chatscha supplementara realisticas?

1’800 tschiervs e prest 500 chavriels, e tut quai en mo pacs dis. Tantas selvaschinas duain ils chatschaders grischuns sajettar e quai be en paucs dis. In dumber uschè aut sco dapi 30 onns betg pli. Ma è quella finamira insumma realistica?

Laschar ir video «Chatscha supplementara – tants tschiervs sco anc mai ston»

Chatscha supplementara – tants tschiervs sco anc mai ston

1:24 min, Telesguard dals 15.11.2016

Il manader da l'uffizi da chatscha dal Grischun Georg Brosi è fitg optimistic che las 2’300 selvaschinas vegnian sajettadas fin ils 18 da december. Gia l’ultima fin d’emna saja vegnì sajettà radund 500 tschiervs, quai malgrà che la chatscha n'ha anc betg cumenzà en tut las regiuns.

Naiv po avair influenza

Las premissas per il success sajan bunas, di Georg Brosi. I haja in zic naiv, la selvaschina saja avant maun ed era ils 3000 chatschaders che van a chatscha supplementara sajan motivads.

Ch' ina gronda quantitad da naiv pudess far in stritg tras la finamira dal uffizi da chatscha na craja Georg Brosi betg: «Sche la naiv vegn, sche va quai in pèr dis e cun il favugn è la naiv cun ina giada davent.»

Tgi ademplescha il meglier la quota?

1:15 min, dals 15.11.2016

Tgi ha la meglra quota?

Intginas regiuns cuntanschan meglier la finamira ch’autras. Durant ils onns n’èn quai dentant betg adina las medemas. Tge che croda en egl: Ils chatschaders da Favugn e Bragaglia cuntanschan bunamain adina cumplettamain la quota dal chantun. Auter sa preschenta la situaziun en l’Engiadina: Qua dovra quai il pli savens la chatscha supplementara.

RR actualitad 17:00