La patenta da chatscha 2017 va a Corsin Clalüna (Ardez)

La sort ha decidì: Corsin Clalüna dad Ardez gudogna la concurrenza da chatscha dad RTR e po ir l'onn proxim gratuit a chatscha. Il guardiachatscha dal Surses Armando Janett ha tratg la sort.

Laschar ir video «Armando Janett tira la sort per la concurrenza da chatscha 2016»

Armando Janett tira la sort per la concurrenza da chatscha 2016

0:17 min, dals 1.10.2016

Durant l'entira chatscha èn 21 predas vegnidas annunziadas al Radio Rumantsch, quai mintgamai las 10.30 uras. En il chapè aveva Armando Janett ils nums da duas chatschaduras e 19 chatschadurs.

Corsin Clalüna e ses tais

Il chatschader dad Ardez ha sajettà ils 23 da settember in tais. Annunzià il tais ad RTR ha sia mamma - igl è stà l'ultima da las 21 predas ch'èn vegnidas annunziadas quest onn. Cura ch'el ha udì dal premi era Corsin Clalüna gist vida far urden sin chamona cun ses collegas.

«  Quai è infernalischem...! »

Corsin Clalüna, Ardez
Victur patenta da chatscha

Buna chatscha e sulegl, sulegl, sulegl...

Buna preda, buna cumpagnia e bell'aura - uschia resumescha il guardiachatscha Armando Janett la chatscha. En sia regiun - il Surses - sajan chatschaduras e chatschadurs en general cuntents cun la chatsch'auta 2016. La bell'aura ha dentant dà da discutar: Per la chatscha da tschiervs saja bunamain stà memia chaud - per la chatscha da chamutschs dentant ideala.

«  Jau hai era entupà chatschadurs en chautschas curtas. »

Armando Janett
Guardiachatscha en Surses