Siglir tar il cuntegn

Chatscha 2018 Il giuven fa l'emprima preda

Suenter in cumenzament stentus da chatscha ha Ursin Decurtins, che va pir il segund onn a chatscha, gì il cletg da sajettar in buc chavriel.

Legende: Audio Mezdi: Chatscha si Cungieri - il pli giuven fa l'emprima preda abspielen. Laufzeit 01:37 Minuten.
01:37 min, Actualitad dals 03.09.2018.

El ha gia vis il buc chavriel davent da la chamona da chatscha, ensemen cun ina chaura chavriel e dus ansiels. Uschia haja el immediat fatg in plan, prendì la buis en maun e saja ì en il dretg lieu. Bun duas uras ha el spetgà, avant ch’el ha pudì sajettar il furtget dad in onn.

La chatscha ha da far cun cletg. In onn po in sajettar, in auter onn in auter.
Autur: Ursin DecurtinsGruppa da chatscha Cungieri

Ursin Decurtins ha gia dà la davosa buccada al chavriel. En quest mument haja el engrazià, ch'el haja dastgà prender quest animal ord la natira. El haja sentì plaschair da la preda, dentant era respect envers l'animal.

Prender ora l'animal è per Ursin Decurtins nagin problem. Quai haja el emprendì gia avant ch'el dastgava ir a chatscha. Il dir vegnia el a parter la saira cun ils collegas da la gruppa da chatscha.

Dapli da la gruppa da chatscha Cungieri

Dapli da la gruppa da chatscha Cungieri

Tgi è la gruppa da chatscha? Tge fa ina gruppa da chatscha l'entir di? E co funcziuna tut quai? Quai e dapli chattais qua …, il link avra en ina nova fanestra

RR actualitad 06:00