Siglir tar il cuntegn
Inhalt

Chatscha 2018 Ils trais umens cun la dunna en gruppa

Andrea Cavegn Beer è l’unica dunna en la gruppa da chatscha Cungieri. Per ella è quai dal tuttafatg en urden, ella giauda la cumpagnia dals collegas. Dentant co è quai per ils trais umens, d’avair ina dunna en gruppa?

I na dettia naginas grondas differenzas tranter l’Andrea ed els, di Pieder Hendry. Bun, ella mangia mintgatant in pèr vitamins, ella fa gugent la duscha avant tegia ed ella na tschertga betg gugent in animal, cura ch’igl è stgir. Quai èn dentant las sulettas differenzas.

Ella n’ha betg la forza sco in um

Era Gabriel Monn na vesa betg bleras differenzas. Sulet cura che l'Andrea haja sajettà, clomia ella adina per agid. El gidia dentant gugent, e cler, ella n’haja betg la forza d’in um.

Nus essan tuts chatschaders

Per Ursin Decurtins na fai nagina differenza, sch’el discurra cun chatschaders u cun ina chatschadra, la fin finala hajan tuts la medema passiun.

Sche insatgi ha sajettà insatge, sche lura laschan tuts immediat dar la buis e van e gidan. Nus essan adina en quatter la fin finala.
Autur: Pieder Hendrygruppa Cungieri

Impurtant saja uschè u uschia il caracter, che la persuna giaja bain a prà cun il rest da la gruppa, e betg sch’i saja in chatschader u ina chatschadra. Uschia han tuts bandunà lur post la mesemna saira cura che Andrea aveva sajettà ses taur da 6. Betg mo per gidar, mabain en emprima lingia per festivar cun ella ses success.

RR actualitad 06:00