Siglir tar il cuntegn

Chatscha 2018 Jau hai la chatscha en il sang

Ursin Decurtins va pir il segund onn a chatscha ed ha tuttina gia sajettà trais chavriels. El deriva dad ina famiglia da chatschaders ed è chatschader tras e tras.

Legende: Audio Bunura: Ursin Decurtins ed il siemi da sajettar in chamutsch abspielen. Laufzeit 02:04 Minuten.
02:04 min, Actualitad dals 04.09.2018.

La chatscha haja el en il sang, di Ursin Decurtins. Il tat chatschader n’ha el betg emprendì d’enconuscher, cunquai ch’el è mort avant sia naschientscha. Dentant la fevra da chatscha ha tschiffà el gia da giuven. El era adina gia fascinà da la natira e dals animals selvadis, e spert èsi stà cler per el, ch’el veglia daventar chatschader.

Chaussa da famiglia

Era la mamma d’Ursin Decurtins va l’emprim onn a chatscha, ed il frar pign vul er daventar chatschader in di. Lez ha schizunt gì il cletg d’accumpagnar l’Ursin, cura ch’el ha sajettà ses segund chavriel.

In sentiment indescrivibel

Avant l’emprim sajet da ses emprim chavriel è l’Ursin Decurtins daventà gnervus e tuttina quiet, el n’ha patratgà vi da nagut auter che vi dal sajet. Suenter che l'animal è crudà per terra ha el gì ina massa sentiments, sentiments ch’el n’ha anc mai gì. In bel mument.

Um da chavriels

Trais chavriels ha el sajettà enfin ussa. Il siemi fiss dentant da pudair sajettar in chamutsch. El saja gugent si ad aut, si en il liber, ed il chamutsch saja in bellischem animal selvadi.

RR actualitad 07:00