Siglir tar il cuntegn

Chatscha 2018 La chatscha 2018 ha cumenzà

A las 06:00 ha cumenzà la chatschu'auta en il Grischun. Quai per passa 5'200 chatschaders e 231 chatschadras. Tenor il plan da reducziun da la regenza èsi da sajettar 5'430 tschievs – l'onn passà era quai anc radund 6'500.

fotos dad aura e post da spetgar si Cungieri
Legenda: La chatscha ha era cumenzà si Cungieri sur Sedrun, nua che RTR accumpogna la gruppa da chatscha Cungieri. RTR, Seraina Derungs

Dapi il 2013 han ils envierns miaivels laschà crescher las populaziuns da tschiervs, chavriels e capricorns. Mo tar ils chamutschs datti in lev digren. Perquai èsi era tar la chatsch'auta 2018 da sajettar bleras tschiervs. Quai malgrà ch'i aveva dà bler selvaschina ch'è disgraziada l'enviern.

Tar ils chavriels decida l'uffizi sin basa da la preda dal settember – concret: Quants bucs chavriel ch'èn sajettads. L'effectiv da chavriels na pon ins numnadamain betg eruir uschia sco tar las tschiervs.

Il dumber da chamutschs è relativamein stabil. Perquai na datti nagin plan da reducziun. Previs èsi da decider en las differentas regiuns, quant ditg ch'ins dastga sajettar chamutschs.
Capricorns datti radund 6'600 en l'entir chantun. Da quests èsi quest onn previs da laschar sajettar 494 – pia 6 damain che l'onn passà.

RR novitads 06:00