Siglir tar il cuntegn

Chatscha 2018 La gruppa da chatscha Cungieri

Ina dunna, in giuven che va pir dapi in onn a chatscha, in anteriur guardiaselvaschina ed in commember che n'abitescha betg durant l'emna en la val Tujetsch, quai è la gruppa da chatscha Cungieri da la val Tujetsch. Nus accumpagnain els durant la chatscha 2018.

La gruppa da Cungieri cun agid da chatschaders collegas. Da sanester: Andrea Cavegn-Beer, Ursin Decurtins, Renato Monn, Pieder Hendry, Pio Hendry, Andreas Deflorin e Gabriel Monn.
Legenda: La gruppa da Cungieri cun agid da chatschaders collegas. Da sanester: Andrea Cavegn-Beer, Ursin Decurtins, Renato Monn, Pieder Hendry, Pio Hendry, Andreas Deflorin e Gabriel Monn. MAD Sonja Decurtins

L’Andrea Cavegn Beer è manadra dal hotel Posta a Rueras, ensemen cun ses um, ella ha 29 onns ed è mamma dad ina matta pitschna. Ella va dapi 10 onns a chatscha.

L’Andrea è pli viva che nus. Nus essan ils ruassaivels ed ella fa ch’i marscha.
Autur: Ursin Decurtinsgruppa Cungieri

Fundà la gruppa ha l’Andrea cul Pieder Hendry. Il Pieder è inschigner da construcziun, el ha dus uffants pitschens e 37 onns. El è il sulet da la gruppa che na viva betg en la val Tujetsch, mabain a Panaduz. Quest onn va el per la 11avla giada a chatscha.

Il Pieder è in fitg amiaivel, in legher, in fitg bun collega, ed jau hai fitg bun cun el.
Autur: Gabriel Monngruppa Cungieri

Il pli versà è il Gabriel Monn. El lavura tar l’uffizi forestal da Tujetsch, el ha 57 onns e 2 uffants creschids. Quest onn va el per la 12avla giada a chatscha. Tranteren è el stà 25 onns guardiaselvaschina. En la gruppa da Cungieri è el dapi 6 onns.

El è in ruassaivel, ins po dentant discutar tut cun el. El sa gida adina, ins po sa fidar 100 pertschient dad el.
Autur: Pieder Hendrygruppa Cungieri

Il pulschain da la gruppa è l’Ursin Decurtins. El è scrinari, ha 20 onns e va quest onn il segund onn a chatscha, il segund onn cun la gruppa Cungieri.

L’Ursin è cool. El discurra anc pli pauc ch’il Gabriel, el è dentant in fitg in bun tip. Igl è bel dad esser cun el en gruppa, el fa, el lavura, el è innovativ.
Autur: Andrea Cavegn-Beergruppa Cungieri
Legende: Video RTR accumpogna ils proxims dis la gruppa da chatscha Cungieri abspielen. Laufzeit 03:37 Minuten.
Or da Telesguard dals 31.08.2018.

RR actualitad 08:00