Siglir tar il cuntegn
Inhalt

Chatscha 2018 Sajettar 5’340 tschiervs

Passa 5'500 chatschaders e chatschadras na pon betg spetgar enfin ch’igl è las 6:00, lura cumenza la chatscha 2018. Tenor il plan da reducziun da la regenza ston 5'340 tschiervs vegnir sajettads. L’onn avant eran quai anc 6'500.

Dus tschiervs en la natira
Legenda: Tschiervs. Keystone

Dapi l’onn 2013 han ils envierns miaivels procurà che la populaziun dals tschiervs, dals chavriels e dals capricorns è creschida, quella dals chamutschs in zic pli pauc. Uschia sto era vegnir sajettà quest onn surtut bler tschiervs, malgrà ch’i ha dà blera selvaschina disgraziada l’enviern.

Chavriels betg da dumbrar

L’effectiv da chavriels na pon ins betg eruir. Perquai sa basa il plan da reducziun sin ils bucs-chavriel che vegnan sajettads il settember.

Chamutschs vegnan reducids cun mesiras spezialas

Il dumber da chamutschs è relativamain stabil. Qua na vegn betg dà avant in plan da reducziun, en regiuns necessarias vegn lavurà cun reducir u augmentar ils dis ch’igl è lubì da sajettar chamutschs.

Dumber da capricorns relativamain stabil

Capricorns datti radund 6’600 en l’entir chantun. Da quels èn quest onn 494 lubids da sajettar, quai èn mo sis animals pli pauc che l’onn avant.

RR novitads 06:00