Siglir tar il cuntegn

Header

Legenda: Karin Niederberger ha 51 onns ed è oriunda da Malix. RTR
cuntegn

Churwalden Karin Niederberger surpiglia presidi

Il timun da la vischnanca da Churwalden resta en mauns feminins: Karin Niederberger è la successura da Margrith Raschein. Ella è vegnida elegida cun 55% da las vuschs sco presidenta communala. Karin Niederberger ha 51 onns, oriunda da Malix ed è stada enfin uss suprastanta communala. Enconuschenta è ella surtut era sco presidenta da l'Uniun svizra da jodladers.

Ses cuntracandidat Hans Suter per il presidi communal n'ha gì naginas schanzas.

Nova suprastanza

Per ils 6 sez en suprastanza èn 9 candidats e candidatas stads a disposiziun. Dapi la fusiun dal 2010 cumpiglia la suprastanza da Churwalden 6 persunas – mintgamai duas da Churwalden, da Malix e Parpan.

Elegids èn:

  • Diego Brunold cun 150 vuschs (Churwalden)
  • Jasmin Said Bucher cun 155 vuschs (Malix)
  • Franz Burtscher cun 142 vuschs (Malix)
  • Manuel Brugger cun 75 vuschs (Parpan)
  • Rolf Schumacher cun 58 vuschs (Parpan)

Segund scrutini a Churwalden

Da la fracziun Churwalden è be ina persuna veginda elegida en suprastanza. Ils segund scrutini per il segund sez ha lieu ils 17 d'october. Elegida u elegì è quella u quel che survegn las bleras vuschs (maioritad relativa).

    RTR novitads 16:00

    Artitgels legids il pli savens

    Scrollar a sanestra Scrollar a dretga