La chatscha auta è per blers e bleras en il Grischun il punct culminant da l'onn. Ma pertge insumma? Tge fa la chatscha uschè fascinanta? E pertge sentan las chatschaduras e chatschadurs ina fevra che na sa lascha betg explitgar? La finamira da Livio n'è betg dad ir mintga di ad observar animals – el vuless era vesair tut tge che capita enturn la chatscha: la vita en chamona u il latin da chatschadurs.
Il temp da chatscha n'è betg mo in temp spezial per las chatschaduras e chatschadurs – mabain era per las confamigliaras e confamigliars, amias ed amis. Questas persunas gidan savens d'organisar e coordinar – per che las chatschaduras e chatschadurs n'han nagins quitads durant lur pli bel temp da l'onn. Era questas istorgias vulain nus raquintar. Livio surpiglia dad ir a far cumissiuns e purtar en la chamona, el pertgira ils uffants u va a spass cun il chaun – u ha insatgi in pensum per el che fiss ina pulita sfida?
Clamai il gidanter
Avessas plaschair da raquintar da vossa passiun per la chatscha? Vus pudais annunziar il giavisch per ina visita da Livio durant ils «Salids da chatscha», la saira tranter las 21:00 e las 22:00. U cun il formular qua sut.