Siglir tar il cuntegn

Header

video
Il politolog Clau Dermont metta a lieu las cifras
Or da Telesguard dals 03.03.2022.
laschar ir. Durada: 2 minutas 56 Secundas.
cuntegn

Clau Dermont 491 candidaturas, ed uss? – in'analisa

Il politolog Clau Dermont metta a lieu il grond dumber da las candidaturas per las elecziuns per il Cussegl grond.

Cun la midada dal sistem da maiorz sin il sistem da proporz ha mintga partida dastgà nominar 120 persunas per ils 120 sezs dal Cussegl grond. Per il politolog grischun Clau Dermont è interessant, ch'i è sulettamain gartegià a la PPS sco ina da las pitschnas partidas en il parlament grischun, dad emplenir sia glista cumplettamain. Da l'autra vart ha la PLD, sco ina da las grondas partidas, mo pudì nominar 98 candidats e candidatas.

audio
Particularitads e strategias tar las elecziuns en il Cussegl grond
ord Actualitad dals 03.03.2022.
laschar ir. Durada: 3 minutas 19 Secundas.

Sche quella quantitad da candidaturas va sin donn e cust da la qualitad da candidatura, quai sa mussia pir durant il cumbat electoral. Sin las glistas sa chattan blers numns enfin uss nunenconuschents sin il palc politic chantunal. Quels vegnan surtut ad avair la funcziun da «giugadurs e giugaduras da team» per lur partidas. Quai è in novum tar las elecziuns grischunas. En il sistem da maiorz avevan las candidatas ed ils candidats plitost cumbattì per sasezs e sasezzas.

Era tematicamain vegn il cumbat electoral a sa midar pervia dal grond dumber da candidaturas. Las partidas hajan tenor Clau Dermont da sa focussar pli fitg sin tematicas e visiuns per il chantun, enstagl da far reclama per singulas persunalitads.

RTR actualitad 17:30

Artitgels legids il pli savens

Scrollar a sanestra Scrollar a dretga