Il servetsch da salvament «Rapid Responder» a Claustra vegn prolungà fin la fin dal 2022. Il Cussegl da vischnanca ha approvà la dumonda da prolungaziun ed in credit da 200milli francs.
Fin dal 2020 aveva la vischnanca da Claustra introducì quest servetsch cun in sanitari da salvament pervi da la mancanza da medis da chasa en la vischnanca. Il temp da reacziun saja uschia sa sminuì da radund 17 sin 7 minutas. Pervi dals auts custs saja quai dentant mo ina soluziun transitorica.