Siglir tar il cuntegn

Header

audio
Alternativas per bavrolas da plastic
Or da Co e cum dals 07.09.2021. Maletg: Keystone
laschar ir. Durada: 4 minutas 5 Secundas.
cuntegn

Co e cum Alternativas per bavrolas da plastic

Empè da duvrar las bavrolas da plastic che ins sa duvrar be ina giada, datti alternativas da plastic dir, chartun, vaider u era atschal raffinà.

Las differentas alternativas da bavrolas han tuttas avantatgs e dischavantatgs:

Bavrolas da chartun

Las bavrolas da chartun han l'avantatg ch'ellas vegnan producidas or da material che crescha puspè, tge che è meglier per l'ambient. Tuttina datti dus dischavantatgs tar las bavrolas da chartun. Per ina èn quellas era per il diever unic e per l'autra han quellas bavrolas en ina substanza che sa donnegiar il gnirunchel ed ils testiculs.

Bavrolas d'atschal raffinà

Las bavrolas d'atschal raffinà san ins duvrar pliras giadas. Cumprar pon ins ellas en sets da pliras bavrolas. Ina singula custa in media var in franc. Il dischavantatg tar questa bavrola è che il gust sa mida tut tenor la bavronda ed ins ha in gust da metal cun baiver.

Bavrolas da vaider

Las bavrolas da vaider datti era da cumprar in pacs da pliras bavrolas. Ellas custan però dapli che quellas d'atschal raffinà. Quellas pon ins dentant era metter en la maschina da lavar giu ed il grond avantatg è ch'i na dat betg ina midada da gust cun baiver.

Artitgels legids il pli savens