Sper il serrar cun la clav la porta datti anc duas impurtantas chaussas ch'èn da resguardar. Per l'ina èsi adina bun da far finta ch'ins è a chasa. Quai per exempel cun laschar arder la glisch u er cun laschar impizzà la televisiun u il radio. Quai or dal simpel motiv che il lader vul evitar la confruntaziun cun l'abitant. Uschia ch'el va plitost là nua ch'el spetga nagin.
Collavurar cun ils vischins e las vischinas
Sch'i croda insatge en egl u para curios en il vischinadi èsi meglier da telefonar ina giada da memia a la polizia. Quai p.ex. sch'ins encorscha persunas nunenconuschentas u ramurs en il quartier u da l'abitaziun dal vischin.
Tgi ch'è tuttina malsegir e vul laschar controllar l'abitaziun ni la casa d'experts sa far quai. La polizia porscha experts che vegnan a controllar la chasa ed evalueschan ils ristgs da laders. Per exempel controlleschan els las serradiras da las portas, ils roms da las fanestras ni er pussibiltads d'entrar en la chasa sco tras il tschaler ni sur il balcun.
Ord l'archiv
