A partir da l’entschatta da l’auter onn èsi pussaivel dad inoltrar la decleraziun da taglia sin via electronica senza suttascripziun. Quai vala per las decleraziuns da la taglia sin las entradas e sin la facultad, sco er per las decleraziuns da la taglia sin il gudogn e sin il chapital a partir da la perioda fiscala 2021 – pia gia cun la proxima decleraziun da taglia. Quai communitgescha la regenza.
Enstagl da la suttascripziun sto vegnir furnida ina conferma electronica che vegn creada cun agid dal pled-clav che vegn consegnà ensemen cun ils documents da la decleraziun da taglia.
La Regenza ha mess en vigur las disposiziuns da la revisiun parziala da la lescha da taglia per il chantun Grischun ch'ha stgaffì la basa legala persuenter.
audio
Per tadlar: Las novitads da las 10:00
ord RTR Audio dals 23.12.2021.
laschar ir. Durada: 3 minutas 39 Secundas.