La firma Recapp da Visp ha cun agid dad RTR sviluppà in program che scriva quai ch'ins dictescha – era per rumantsch. La deputada Silvia Casutt da Falera ed il deputà e president communal da Mustér René Epp han testà durant la pausa da café da la sessiun dal Cussegl grond il program ed han ditg insaquantas construcziuns en il program.
Il resultat pudais tadlar sez. Be tant: Tar Silvia Casutt da Falera ha il test funcziunà bain ed ella è tut surstada dal resultat. Tar René Epp, che discurra tuatschin, ha il program gì inqual crap da stgarpitsch.
Er sch'il program ha anc gì miseria da suandar ad ina construcziun tschantschada en tempo normal. Tant Silvia Casutt sco er René Epp vesan il potenzial en programs che scrivan per nus il dictà. Per exempel possia in tal instrument vegnir duvrà en l'administraziun da la vischnanca per scriver protocols, uschia il president communal en uffizi e l'anteriura presidenta communala.
