La regenza grischuna pretenda che la Confederaziun desitia il mument da reveder l'ordinaziun federala da radio e televisiun. Enstagl duai vegnir prolungà senza midadas las concessiuns existentas. Pervia dal referendum tar il pachet da medias, n'è la situaziun politica da partenza betg clera en tut ils puncts. Medemamain na resorti betg cleramain, tge consequenzas che la reducziun dals territoris da concessiun d'enfin ussa avess sin l'attribuziun da las parts da la taxa. Davart quel decida il pievel il favrer.
Situaziun en il Grischun
En vista a la situaziun linguistica en il Grischun vul la regenza grischuna plinavant che las obligaziuns specificas a favur da las minoritads linguisitcas restian fixadas direct en l'ordinaziun. Enpli saja da fixar direct che las emissiuns en rumantsch e talian stoppian er esser emissiuns d'infurmaziun che sa refereschan a las particularitads politicas, economicas e culturalas dals territoris pertutgads.
Ord l'archiv
La SRG SSR è dad ina vart independenta, da l'autra vart sto ella sa tegnair vi da la lescha da radio e televisiun sco era vi da la concessiun ch'il Cussegl federal dat.
