Siglir tar il cuntegn

Header

audio
Success per Incantanti ad ina occurrenza internaziunala
Or da Actualitad dals 16.04.2022.
abspielen. Laufzeit 3 minutas 11 Sekunden.
cuntegn

Concurrenza «Vox Lucensis» Ensemble «Incantanti» gudogna en trais categorias

Gist trais giadas han las 24 chantaduras e chantadurs cun il dirigent Christian Klucker dastgà prender encunter il premi per l’emprim plaz. L’ensemble dal Grischun «Incantanti» ha gudagnà en las categorias: Chors giuvenils maschadads, Musica sacrala a capella ed il premi principal ch’è dotà cun 1’500 francs.

Per il mument muntan questas victorias fitg bler. Ellas mussan che nus essan sin l’endretga via.
Autur: Christian Klucker dirigent
L'entir ensemble ensemen.
Legenda: En quella furmaziun chanta «Incantanti» pir dapi in onn. MAD/Incantanti

Per 19 da 24 chantaduras e chantadurs ina premiera

Per las bleras chantaduras e chantadurs è la concurrenza a Lucca en l'Italia stada la premiera sin palc internaziunal. Uschia n'aveva il dirigent era betg quintà cun in tal success. En quella furmaziun chantia l'ensemble pir dapi in onn.

Che nus avain schon uss gì uschè in grond success fa anc dapli plaschair.
Autur: Christian Klucker dapi l'entschatta, il 2002, il dirigent

Ils proxims gronds festivals spetgan gia sin «Incantanti». Il matg è il Festival da chors giuvenils svizzer a Winterthur ed il november lura la proxima concurrenza internaziunala a Lissabon en il Portugal.

RTR Ura culturala

Artitgels legids il pli savens

Scrollar a sanestra Scrollar a dretga