Siglir tar il cuntegn

Header

video
La branscha da construcziun duai vegnir pli ecologic
Or da Telesguard dals 14.04.2022.
abspielen. Laufzeit 3 minutas 12 Sekunden.
cuntegn

Construcziun persistenta I dat anc ina massa da far

Per ch'il sectur da construcziun po en futur laschar enavos damain fastizs en la natira – pretendi innovaziun. La gievgia èn vegnidas discutadas differentas opziuns e tematicas durant ina dieta da l'Uffizi per la natira e l'ambient.

En Svizra vegnan mintg'onn duvradas 60 milliuns tonnas material da bajegiar. Quai dovra bleras resursas sco glera, sablun u chaltschina. Resursas che n'èn betg eternas. Perquai pretendi schliaziuns che pussibiliteschan era anc en futur la construcziun da bajetgs, tunnels u punts.

In'opziun ch'è gia magari etablida en la branscha è il betun da recycling che consista per part da material, ch'è gia vegnì duvrà – per exempel en in bajetg ch'è vegnì demontà. In'autra opziun che va schizunt anc pli lunsch – che n'è persuenter anc betg uschè etablì sco il betun da recycling – è la reutilisaziun dad entiras parts da bajetgs ch'èn vegnids demontads.

Quai èn duas opziuns ch'èn vegnidas tematisadas durant la dieta spezialisada da construcziun 2022 – che pon gidar da construir en futur pli persistent e da reducir emissiuns. La finamira a lunga vista saja tenor il manader da l'Uffizi per la natira e l'ambient grischun Remo Fehr dentant, da pudair ademplir ils basegns senza duvrar resursas - mabain da duvrar adina puspè il medem material. Qua sajan nus dentant anc pir sin mesa via.

I dat damai anc ina massa da far ...

audio
Construcziun persistenta per l'avegnir
aus Actualitad vom 16.04.2022.
abspielen. Laufzeit 2 minutas 45 Sekunden.

RTR Telesguard 17:40

Artitgels legids il pli savens

Scrollar a sanestra Scrollar a dretga