La regenza ha garantì a la vischnanca da Soazza ina contribuziun chantunala da 672'500 francs per la sanaziun dal provediment d'aua. Cundiziun saja ina subvenziun correspundenta tras la Confederaziun – l'Uffizi federal d'agricultura ha gia empermess ina contribuziun federala da var 747'200 francs. Ils custs totals per la sanaziun vegnan calculads sin radund 2,99 milliuns francs.
Il project cumpiglia la sanaziun da la chombra d'aua, la construcziun d'in nov reservuar d'aua e la meglieraziun dal sistem dal provediment d'aua en la zona d'agricultura.