Oz avant in onn steva la vita en Svizra quasi airi. Ustarias e stizuns serradas, in'entir pajais en il lockdown. Uss creschan las cifras da corona puspè, mesiras na datti dentant betg pli bleras: sulettamain mascrinas en il traffic public ed en institutziuns da sanadad, e tschintg dis isolaziun per persunas infectadas.
Quai è legitim, perquai che la varianta omicron caschuna en ils pli blers cas in decurs miaivel.
audio
La media chantunala Marina Jamnicki e las cifras da corona che van ferm ensi
ord Actualitad dals 17.03.2022.
laschar ir. Durada: 3 minutas 42 Secundas.
Sin la fin da quest mais vul il Cussegl federal abolir la situaziun extraordinaria. La Svizra po guardar en direcziun la fin da la pandemia. Era sch'il pajais sa chatta il mument amez l'endemia, n'è l’immunitad collectiva betg pussaivla. Tenor la media chantunala Marina Jamnicki vegn il coronavirus a tutgar baud ni tard finadin. La pandemia va a finir. Corona resta.