La sonda è brischà in pavigliun en in schrebertin a Cuira curt suenter las 17:00. Sco quai che la Polizia chantunala communitgescha, hajan ils pumpiers pudì stizzar svelt il fieu. I haja mo dà donn material – persunas n'èn betg vegnidas feridas.
La Via dal Rain è tras l'acziun stada bloccada per radund duas uras. Tar l'acziun gronda èn stads en servetsch ils pumpiers e la polizia da la citad da Cuira. La raschun per il brischament n'è betg enconuschenta – las investigaziuns marschan.
Tar il tema:
Anc adina vali dad esser precaut cun far fieu en il liber. Plievgia e per part naiv n'han betg pudì reducir il privel. En pliras valladas dal Grischun è il privel sin staglim «considerabel» (oransch), publitgescha il post dal fatg federal per privels da natira. En las valladas dal sid (cotschen) è il privel uschè grond ch'il chantun ha relaschà in scumond absolut da far fieu en il liber.
