A Cuira èn radund 500 persunas sa radunadas per pretender pasch en l’Ucraina. En il center da la citad han ellas furmà in rudè e chantà durant var trais quarts d’ura chanzuns da pasch. En pli han participantas e participants mussà solidaritad cun chandailas, placats e bandieras.
L’acziun da solidaritad sin l’Alexanderplatz è stada lubida da la polizia. Inizià questa guardia d’admoniziun han giuvenils da la scola chantunala. Pliras partidas ed organisaziuns per la defensiun dals dretgs umans han er purtà l’acziun.
Er a Turitg ed a Zug hai dà il glindesdi saira demonstraziuns cunter la guerra en l'Ucraina. A Turitg sajan pliras millis persunas sa radunadas, a Zug da quai da 400, tenor stimaziuns da l'agentura da novitads Keystone SDA.