La Polizia chantunala dal Grischun ha pudì arrestar dus dealers da cocain da l'Italia che vivan en il Grischun, quai ensemen cun la procura publica. Als dus umens da 46 e 51 onns vegn renfatschà d'avair vendì passa dus kilos cocain.
Ad in dad els vegn plinavant renfatschà d'avair transportà aifer la Svizra plis tschients grams cocain per auters dealers. Ils umens sa chattian dapi la fin 2020 en praschun. Suenter las inquisiziuns da la polizia sajan els vegnids denunziads.