La polizia chantunala ha sclerì ina seria d'enguladitschs ch'èn vegnids commess las ultimas trais emnas a Cuira. Ils dus delinquents han tut en tut fatg ina preda da passa 20'000 francs. Quai en differentas butias e bajetgs publics. Sco quai che la polizia communitgescha, hajan ils umens da 39 e 33 onns commess 13 delicts ensemen, singuls haja in dals delinquents comess sulet.
Il donn dals delicts munta a radund 21'000 francs. Ils dus delinquents, ch'han concedì ils enguladitschs, vegnan denunziads a la procura publica. Tar ils dus umens sa tracti dad in Svizzer en la vegliadetgna da 33 onns ed in Bosniac da 39 onns.