Glindesdi suentermezdi hai dà a Cuira trais accidents da traffic. Ina persuna è vegnida blessada levamain, ils autos han per part gì donns totals, uschia communitgescha la citad da Cuira.
Haldenstein
A Haldenstein, a las 14:20 è in manischunz d'in tractor ì en direcziun da la via da la staziun. Cun midar direcziun ha il manischunz survesì in auto da persunas ed è collidà cun quel. L'auto è vegnì donnegià fermamain.
Ampla da signal Waffenplatzstrasse – Sommeraustrasse
Suenter l'ampla a la Waffenstrasse, a las 17:30, è ina automobilista charrada dal fauss maun da la via, per charrar direcziun rundella. La manischunza è collidada frontalmain cun l'auto che vegniva encunter. Ina persuna è vegnida blessada levamain, omadus autos han gì in donn total.
Rundella Ringstrasse
Era tar la rundella Ringstrasse, Schönbühlstrasse, a las 18:10, è in'automobilista collidada cun in auter auto. In manischunz, ch'è vegnì da la Salvatorenstrasse ha gì l'intenziun dad ì encunter la Schönbühlstrasse. In auto che vegniva da dretg ha survesì el ed ha tras la collisiun stuschà el en ina saiv. Omadus autos e la saiv èn vegnids donnegiads. Las persunas han gì naginas blessuras.
