Sin la via da Domat hai dumengia saira dà ina collisiun frontala tranter dus autos. Quai ha communitgà la Polizia chantunala dal Grischun. Trais persunas sajan vegnidas blessadas da l’accident, ina persuna grevamain.
Ina dunna da 35 onns charrava curt suenter las 18:00 sur la via da Domat direcziun Cuira. Curt suenter il cunfin da la citad èsi vegnì tar ina ferma collisiun cun in auto che vegniva encunter. La dunna è tras la collisiun vegnida serrada en ses auto ed è sa blessada grevamain. Ils pumpiers hajan stuì salvar ella.
Tuttas trais persunas sajan vegnidas transportadas en l’Ospital chantunal a Cuira. En consequenza da l’accident è la via da Domat stada serrada per trais uras.