Proxim venderdi e sonda tranter las 12 e las duas pon persunas sur 18 onns sa laschar vaccinar en la Halla da la citad da Cuira senza preannunzia. Quai ha communitgà l'Uffizi da sanadad. Da quest uschenumnà «walk-in» sa tractia dad in project da pilot che duaja facilitar l'access a la vaccinaziun cunter Covid-19. Persunas che vulan far diever da la purschida ston prender cun els lur carta da la cassa da malsauns sco era la carta d'identitad u il pass.
En spezial tar las persunas tranter 40 e 60 onns saja la quota da vaccinar memia bassa, uschia scriva l'Uffizi da sanadad.
Ultra da quai vegn il center da vaccinaziun a Cuira puspè transferì en l'Ospital da la Crusch. Quai a partir dal prim d'avust. En il Grischun èn fin uss vegnidas dadas radund 200'000 dosas da vaccin.
Per tadlar curt e concis:
