Siglir tar il cuntegn

Header

cuntegn

Cumbat cunter il coronavirus Dapli tests en las scolas da Cuira

A partir da glindesdi datti per emna mintgamai dus tests da corona. Uschia duain vegnir evitadas ulteriuras restricziuns tar l'instrucziun da preschientscha.

La citad da Cuira rinforza las mesiras en las scolas l'emna che vegn – per proteger scolaras, scolars e la magistraglia dal coronavirus. Las scolas da Cuira èn numnadamain confruntadas cun adina dapli uffants sco er scolastas e scolasts malsauns, sco la citad scriva. Davent da glindesdi datti duas giadas l'emna tests en las scolas da Cuira, enstagl dad ina giada sco enfin uss. Ultra da quai datti en tut ils locals da scola e d'assistenza apparats da mesirar il CO2, tant enavant che las stanzas n'han betg gia ina ventilaziun controllada.

Obligatori da mascrinas a partir da la terza classa

Il chantun ha puspè introducì l'obligatori da mascrina, quai a partir da la terza classa. Dapi mardi è quest obligatori en funcziun. Uschia èn quai sper Cuira l'entira regiun Plessur, las regiuns Plaun, Landquart, Moesa, Partenz, Surselva e Viamala. A partir da venderdi vala la prescripziun lura er en la regiun d'Alvra.

RTR novitads 11:00

Artitgels legids il pli savens