Siglir tar il cuntegn

Header

cuntegn

Cumissiun da giustia Nagina persecuziun penala cunter derschaders

La cumissiun da giustia dal Cussegl grond na dat betg suatientscha ad in advocat da San Murezzan. Lez aveva inoltrà ina denunzia penala cunter dus derschaders chantunals en uffizi, e cunter in anteriur president da la Dretgira chantunala. La rinfatscha: Favurisaziun en uffizi.

Tar rinfatschas cunter derschaders en uffizi prescriva la lescha che la cumissiun da giustia decida sch'i dat insumma investigaziuns. Quai haja ella fatg da rudent, hai num en ina communicaziun. I na dettia dentant nagins suspects ed ils derschaders hajan agì confurm a la lescha. Perquai ha la cumissiun da giustia decis unanimamain ch'i na dat nagina persecuziun penala cunter ils trais derschaders.

audio
Per tadlar: Curt e cumpact
ord RTR Audio dals 04.04.2022.
laschar ir. Durada: 1 minuta 3 Secundas.

RTR novitads 11:00

Artitgels legids il pli savens