L'um da 23 onns ha prendì part al di da l'uniun da skis a Grüsch Danusa. Sco la Polizia chantunal scriva, è el ensemen cun ses collega sa mess a las 22:30 uras sin via cun ils skis da la staziun Cavadura a val. Cun ir a val èn ils dus umens vegnids en in territori cun guaud. Tuttenina n'ha il collega betg pli vis ses ami da 23 onns.
Ses collega haja alarmà la Rega suenter ch’el haja là pers il contact cun il skiunz. La Rega ha be pudì constatar la mort dal skiunz. La Polizia chantunala intercurescha, daco ch’el è sa disgrazià.