Siglir tar il cuntegn

Header

cuntegn

Cussegl communal Domat Ronny Krättli è il nov um a la testa

Il vicepresident d’enfin uss e politicher da la Partida populara Svizra (PPS) saja vegnì elegì cun 11 da 14 vuschs. Ronny Krätti fa dapi il 2016 part dal cussegl communal. Plinavant è el president da la PPS da Domat. Professiunalmain maina el ina fatschenta da tschentaplattas. Sco las gasettas da Somedia scrivan vinavant, surpiglia la politicra socialdemocrata Anita Caflisch Müller il vicepresidi. Ella è vegnida elegida unanimamain.

Augmentà il pensum da lavur per la lavur sociala da scola

La scola da Domat saja fitg heterogena ed i dettia adina dapli cas problematics. Las persunas d'instrucziun dovrian dapli sustegn en quest connex da la lavur sociala, uschia l'argumentaziun. Il parlament ha approvà unanimamain l'augment dal pensum da lavur da 100% sin 150%.

Da nov cun ura da dumondas

Medemamain sustegnì ha il cussegl communal l'introducziun d'ina ura da dumondas. Quai aveva ina moziun da l'Allianza dal center proponì. Uschia vegn l'urden dal parlament da vischnanca cumplettà cun in'ura da dumondas. Quai vegn era beneventà da la suprastanza ch'è da l'avis ch'ins possia uschia tractar a moda pli efficienta temas actuals.

audio
Pera tadlar: Las novitads da las 06:00
ord RTR Audio dals 20.12.2021.
laschar ir. Durada: 5 minutas 41 Secundas.

RTR novitads 06:00

Artitgels legids il pli savens

Scrollar a sanestra Scrollar a dretga