Siglir tar il cuntegn

Header

audio
Cussegl federal di Na a l'iniziativa cunter experiments cun animals ed umans
Or da Actualitad dals 16.12.2021.
laschar ir. Durada: 1 minuta 42 Secundas.
cuntegn

Cussegl federal di Na «L'iniziativa cunter experiments cun animals donnegia la Svizra»

Tenor il Cussegl federal avess l'iniziativa «Gea al scumond da far experiments cun animals ed umans» consequenzas gravantas per la Svizra. Perquai propona la regenza da dir Na a quella.

In scumond impedescha il svilup medicinal

Tenor il minister da sanadad Alain Berset na pon uschia blers novs medicaments betg pli vegnir importads en Svizra – er lura betg sche quels èn megliers che medicaments pli vegls. Svizras e Svizzers n'avessan era betg pli access a tractaments medicinals novs. La consequenza fiss ch'il pajais vegniss uschia bloccà dal svilup medicinal.

Experiments cun animals duain valair sco crim

L’iniziativa dal pievel pretenda dasper in scumond da far experiments cun animals ed umans, era in scumond d’importar products che èn vegnids sviluppads cun agid da tals experiments.

Leschas rigurusas èn gia activas en Svizra

La Svizra ha gia da preschent leschas rigurusas per experiments cun animals. La Svizra na sajan betg en ina situaziun mala, ha ditg Alain Berset.

In experiment cun in animal vegn be fatg, sch'igl è necessari – quai per meglierar la sanadad dals umans ed animals.
Autur: Alain Berset Cusseglier federal

Ils ultims 40 onns haja la Svizra fatg bler per reducir quests experiments.

Il suveran decida ils 13 da favrer a l'urna.

RTR actualitad 17:00

Artitgels legids il pli savens

Scrollar a sanestra Scrollar a dretga