«Igl è legraivel che tuts chantuns han approvà la lètg per tuts», di la Cussegliera federal Karin Keller-Sutter a chaschun da la Conferenza da medias, malgrà che quai na fiss betg stà necessari tar in referendum. Il Cussegl federal beneventia questa decisiun, il stadi na dastgia numnadamain betg perscriver a la populaziun, sco quella haja da viver. Plinavant ha la Cussegliera federala suttastritgà che la lètg religiusa na saja betg pertutgada.
La «lètg per tuts» duai tenor Karin Keller-Sutter ir en favur il 2022.
«Avunda redistribuziun en Svizra»
La populaziun svizra saja para da l'avis ch'i dettia avunda redistribuziun, ha ditg il Cusseglier federal Ueli Maurer avant las medias. La Svizra saja in dals sulets pajais ch'enconuschia ina taglia sin la facultad. «Quest chapitel è uss serrà», uschia il politicher da la PPS. Il tema da la taglia vegnia però er en il futur a fatschentar.
Il Cussegl federal saja cuntent cun questa decisiun ed er il parlament vegnia a vesair quai tuttina. Omadus avevan recummandà a la populaziun da refusar l'iniziativa.