Il chantun Grischun sto far urden cun sias immobiglias. La regenza duai dar ina survista da la strategia planisada oriundamain e da quai ch’è sa midà dapi lura aifer il portfolio d’immobiglias a Cuira, vitiers duai er dar ina survista da la valur da las immobiglias.
Suenter che blers uffizis han fatg midada en il nov bajetg da l'administraziun chantunala Sinergia èn blers biros cunzunt er en il center da la citad sa svidads. Sin incumbensa dal cussegl grond sto il chantun er mussar tge opziuns d’agir ed er tge effects che la midada da las dretgiras ha. Las duas dretgiras duain survegnir lur nova sedia en il bajetg dal stadi, nua che l'uffizi da construcziun bassa è actualmain. En la sessiun da l’october discutescha il Cussegl grond il rapport intermediar da la strategia d’immobiglias dal chantun.