La lescha davart l’execuziun giudiziala è sut tetg. Il Cussegl grond ha cunzunt stuì reveder la lescha pervia da midadas dal dretg federal. Las midadas pertutgan tranter auter la surdada a lavurs sin terzs, l’elavuraziun da datas persunalas e la protecziun da dretg.
Schliar conflicts pli baud
Er la cussegliaziun per persunas violentas survegn cun la nova lescha la pussaivladad da vegnir en contact cun persunas violentas pli baud ch'avant. Quai munta che la cussegliaziun ha la schanza da schliar il conflict pli baud che cun la lescha veglia, uschia Gian Derungs il president da la cumissiun da giustia e segirezza dal Cussegl grond. Sper quai duai la revisiun er simplifitgar il barat d’infurmaziuns tranter las diversas instanzas. La revisiun è vegnida approvada unanimamain dal Cussegl grond.