Siglir tar il cuntegn

Header

cuntegn

Cussegl grond pretenda Regenza duai perscrutar consequenzas d’animals da rapina gronds

La regenza duai far ina retschertga tar tut ils puressers en il Grischun per chattar or las consequenzas d'animals da rapina gronds sin l’agricultura. Quai ha l’allianza dal center pretendì oz da la regenza, cun sustegn da las deputadas e dals deputads.

En il rom da la retschertga duai per exempel vegnir dumandà, sche tscherts animals na vegnan betg pli tramess ad alp pervia dal luf. Autras dumondas duain tematisar tge mesiras da muntaneras che purs e puras han realisà e quant che quellas custan. Er il squitsch dal persunal d’alp duai esser in tema.

Maletg simbolic.
Legenda: Quant custan mesiras da protecziun per muntaneras – e tgeninas vegnan insuma realisadas. Quella dumonda duai far part da la retschertga. Keystone

La regenza è pronta da prender encunter l’incumbensa. Er las deputadas e deputads dal Cussegl grond han sustegnì unanimamain la proposta da l’Allianza dal center. La retschertga gidia da sentir il puls ed ils basegns en l’agricultura. Plinavant stgaffescha ella fatgs per ulteriuras decisiuns u mesiras.

La retschertga duai vegnir fatga d’ina interpresa spezialisada externa.

audio
Per tadlar: curt e cumpact
ord RTR Audio dals 15.02.2022.
laschar ir. Durada: 1 minuta 2 Secundas.



Ord l'archiv

Animals da rapina gronds èn ina sfida per il persunal d'alp. Quai mussa er in film da Cuntrasts da l'atun passà.

video
Trottar, blers displaschairs e frusts – puspè ina stad cun il luf
Or da Cuntrasts dals 03.10.2021.
laschar ir. Durada: 26 minutas 15 Secundas.

RTR novitads 17:00

Artitgels legids il pli savens

Scrollar a sanestra Scrollar a dretga