Avant trais onns aveva la sessiun da giuventetgna fatg ina petiziun per pudair votar gia cun 16 onns en il Grischun. La petiziun n'ha però purtà nagut. En mintga cas n'ha la regenza instradà nagut. Ussa fa il parlament squitsch. Il deputà Gian Derungs (AdC, Lumnezia) ha inoltrà in'incumbensa a la regenza da preparar l'introducziun dal dretg da votar a partir da 16 onns.
Nus sentin era quai ch'i dat blers giuvens interessads en la politica. Jau na savess betg ina raschun per betg dar la pussaivladad da sa participar.
Mesemna saira han els inoltrà in'incumbensa al Cussegl grond. 75 deputadas e deputads da tut las partidas en il Cussegl grond l'han suttascrit – pia passa la mesadad da tut las deputadas e deputads.