Durant la sessiun ch'è ils 18 fin ils 20 d'october na ston ils deputads e las deputadas betg mussar il certificat da Covid per ir en la sala dal Cussegl grond. Sco fin ussa ston però tuttas e tuts purtar ina mascra. Ins haja discutà davart in obligatori da certificat, ha la presidenta dal Cussegl grond Aita Zanetti ditg al schurnal regiunal da radio SRF. I manchia dentant la basa legala, uschia la conclusiun grischuna.
Autras reglas a Berna
En Chasa federala è la situaziun però autra. Là dovran ins per regla a partir da sonda in certificat da Covid per entrar. Per parlamentaris e parlamentarias che na pon betg preschentar in certificat datti però excepziuns: cun purtar ina mascra pon talas e tals tuttina entrar en Chasa federala.
audio
Per tadlar curt e cumpact
ord Novitads dals 29.09.2021.
laschar ir. Durada: 47 Secundas.