-
Bild 1 von 4. Polina e Dumeni Cavegn cun lur uffants Rafael e Alissa. En chasa vegnan discurridas trais linguas. Bildquelle: RTR / Esther Berther .
-
Bild 2 von 4. Polina Cavegn abitava tochen avant otg onns a Minsk. Oz viva ella cun sia famiglia a Glion. Bildquelle: RTR / Esther Berther.
-
Bild 3 von 4. Far intervistas è gnanc uschè mal. Rafael e Alissa san discurrer fitg bain rumantsch e russ. Tiers vegn aunc il tudestg. Bildquelle: RTR / Esther Berther.
-
Bild 4 von 4. Rafael e Alissa discurren ensemen russ. Chapir, chapeschan els dentant era fitg bain tudestg e discurran anc rumantsch. Bildquelle: RTR / Esther Berther .
L'emprima giada che Polina Cavegn e vegnida cun ses um en Svizra haja ella gì l'impressiun da vesair sulettamain vitgs e vitgs. Ella saja sa dumandada, nua che las fabricas e l'industria sajan, e nua che tut la glieud saja pomai emploiada. L'emprim temp saja stà in zichel sco in sigl en l'aua fraida. E lura saja stà d'emprender a nudar.
Era la mentalitad ha ella stuì emprender d'enconuscher pass per pass. Tar inscunters n'ha ella betg chapì, daco che la glieud surrieva. Quai saja tut auter a Minsk. Là saja la mimica bler pli seriusa. Cuntrari dentant, sch'insatgi dia da vegnir sin visita, u ch'ins veglia s'entupar: lura saja quai propi manegià uschia. En Svizra saja quai savens plitost ina floscla.
En ils otg onns che Polina viva en il Grischun ha ella emprendì bain la lingua tudestga, chapescha rumantsch e sa era plaunet, co chapir las conversaziuns.
Mes siemi è che mes uffants chapeschan e discurran perfetgamain era mia lingua materna russ.
RR actualitad 07:00