Siglir tar il cuntegn

Dal lontan el Grischun Tut è vegnì auter che planisà

Cura che Anne-Louise Joel è ida per l'emprima giada en Lumnezia, ha ella piglià in pign schoc. Tut pareva uschè stretg ed ella aveva nagina idea nua ch'ella sa tschenti. Era sia idea, ch'i bastia da discurrer tudestg da scrittira, è stada in flop.

Il plan dad Anne-Louise Joel era simpel. Ella vuleva lavurar insaquants mais en in restaurant en Lumenzia e lura viagiar en il Canada. «Ils bels umens da la Lumenzia han motivà mai da star per pli ditg en il Grischun», manegia Anne-Louise Joel cun in surrir.

Il pass dad Anne-Louise Joel
Legenda: Dal Danemarc el Grischun Il pass dad Anne-Louise Joel. Anne-Louise Joel

Suenter in temp è ella tuttina turnada en sia patria ed ha fatg in studi ed avant
quatter onns è ella puspè turnada en Lumenzia. Dapi lura maina ella la Casa d'Angel, ina chasa da cultura che fa tranter auter exposiziuns.

«Jau di quai ch'jau pens. Ils Rumantsch n'èn betg uschè disà cun quai», di Anne-Luoise Joel. Mintgatant lascha ella encrescher per la mar. Uschiglio sa senta ella fitg bain en las muntognas grischunas.