Siglir tar il cuntegn
cuntegn

Dataland Dataland – en rumantsch sin SRF info

Passa trais uras nonstop televisiun da las quatter regiuns linguisticas svizras da la SRG SSR. Quai è dataland. En l'emissiun speziala vai per la digitalisaziun e sia influenza che sa struztga sco ina serp plaun e strusch sentida en noss mintgadi.

Il chau d'in roboter da termagls cun egls verds.
Legenda: «Guarda a mai bain en ils egls» – tema? RTR

La digitalisaziun influenzescha pli e pli bleras domenas da nossa vita: la communicaziun, il traffic, la medischina, la lavur en general. I passa strusch in di cura ch’ins n'auda u legia betg expressiuns sco intelligenza artifiziala, big data u machine learning.

Ils 21 da november tematiseschan las televisiuns da tut las quatter regiuns linguisticas quest tema: tge è oz pussaivel, dastgan ins far tut quai ch’è pussaivel, tge schanzas porta la digitalisaziun e nua datti ristgs?

Osps

Personen-Box aufklappenPersonen-Box zuklappen
  • Helene Müller, transfurma la PostFinance en in'interpresa digitala
  • Jon Erni, iniziant da miaEngiadina che vul purtar il dretg tempo sin las raits da datas
  • Gian Reto à Porta, digitalisatur dal mund da las bancas
  • Reto Gurtner, pionier e fanaticher da la digitalisaziun en il turissem
  • Christina Tuor, teologa e professura che s'occuppa tranter auter cun dumondas da l'etica e teologia en il mund modern
  • Martin Candinas, Cusseglier naziunal PCD e cumbattant per dapli raits da datas en valladas grischunas
  • Moderaziun: Andri Franziscus ed Oceana Galmarini

Cun films documentars davart la situaziun globala, cun reportaschas sur d'applicaziuns da big data en Svizra, ma er cun discussiuns cun experts, promoturs e critichers da big data vul l’emissiun dataland contribuir a la discussiun sur da la digitalisaziun e sias consequenzas.

Temp d'emissiun

20:08 - 23:15 sin SRFinfo e rtr.ch

Legenda: Guardar il video dataland. Durada 00:53 minutas.
Or da Trailers dals 14.11.2018.