La deputada da la PPS, Valérie Favre Accola (48), vul daventar presidenta dal Cussegl d'administraziun da l'Organisaziun da turissem Tavau. Quai haja la politicra annunzià la gievgia, sco las gasettas da Somedia scrivan. Ellas sa basan sin ina communicaziun.
Quatter candidats
Il president en uffizi, Paul Petzold che ha 72 onns, na stat betg pli a disposiziun per in'ulteriura perioda. Sper Valérie Favre Accola candideschan er Toni Morosani, Kurt Steck e Tiziano Pelli, hai num vinavant. L'elecziun ha lieu il november a chaschun da la radunanza generala da l'Organisaziun da turissem Tavau.