Tut las destinaziuns dumandadas èn cuntentas fin fitg cuntentas cun las reservaziuns sur Nadal e Bumaun. Intginas cumpareglian las reservaziuns schizunt cun l'enviern avant la pandemia. La stagiun 2019/2020, nua ch'ins aveva pir il mars entschet ad udir ch'i dettia in virus cun num corona a Wuhan en China.
Era il manader da fatschenta da Grischun Vacanzas Martin Vincenz è optimistic:
Sch'i na vegn betg tranteren insatge nunspetgà, alura quintain nus cun ina buna stagiun d'enviern
Ma la malsegirtad pervia dal virus e la varianta omicron è qua e sforza da planisar dad emna tar emna. Co la situaziun vesa ora suenter Bumaun e per il rest da la stagiun d'enviern, na po nagin propi dir. Damai ch'i vesa ora bain sur Nadal e Bumaun èn las destinaziuns optimisticas.
Nus vesain gia ussa dapli glieud per las vias. Quai damai ch'intgins han gia vacanzas dapi la fin d'emna passada.
En general quintan ins cun blers giasts svizzers ed in zichel pli paucs da l'exteriuri sur Nadal e Bumaun. Las destinaziuns grischunas èn pia cuntentas. Sche quai vegn a restar uschia per il rest da la stagiun.