Siglir tar il cuntegn

Header

cuntegn

Dischoccupaziun fanadur Pli paucs dischoccupads grazia a gastronomia che sa revegn

En il Grischun è il dumber da dischoccupads sa reducì il fanadur per passa 300 sin totalmain 1’027 persunas, cumpareglià cun il mais avant. Quai correspunda ad ina quota da dischoccupaziun da 0,9%, sco l'Uffizi per industria, mastergn e lavur dal Grischun ha communitgà. Quest svilup saja cunzunt da contribuir a la stagiun da stad ed a las schluccadas da las mesiras da corona.

audio
Jörg Gujan: «Cunzunt dus facturs han contribuì»
00:16 min, RTR Audio dals 09.08.2021.
laschar ir. Durada: 00:16 minutas.

Cumpareglià cun l'onn passà è il dumber da dischoccupads sa sbassà per prest 600. E la quota è sa sbassada da 1,50 sin 0,9%.

En tut hajan 742 manaschis survegnì indemnisaziuns per lavur reducida il fanadur en il Grischun. Quai è bunamain la mesadad ch’anc il zercladur cun 1'364 manaschis. Quest dumber n'è dentant betg exact, damai ch'ils manaschis han suenter l'annunzia temp trais mais da far diever da las indemnisaziuns. Insumma dettia marcantamain damain lavur curta en l’entira Svizra. Tenor il Secretariat da stadi per l’economia SECO sajan actualmain pli pauc che 200'000 emploiadas ed emploiads pertutgads. Sin il punct culminant da la crisa da corona ha passa in milliun persunas stuì far lavur curta, l’entschatta da quest onn anc passa in mez milliun.

Er en Svizra è quota sa reducida

En l’entira Svizra è il dumber da dischoccupaziun sa reducì sin 128'279 persunas. Quai correspunda ad ina quota da dischoccupaziun da 2,8%, sco il Secretariat da stadi per l'economia SECO scriva. Cumpareglià cun il mais avant è la quota restada medema. Cumpareglià cun l'onn avant è ella sa sbassada da 3,2%.

RTR novitads 08:00

Artitgels legids il pli savens

Scrollar a sanestra Scrollar a dretga