Il settember ha il chantun Grischun nudà 993 persunas dischoccupadas. Quai correspunda ad ina quota da 0,9%. Cumpareglià cun il settember d'avant in onn, è quai prest in terz pli paucas persunas ch'èn stadas senza lavur. Dapi l'avust da quest onn è il dumber s'augmentà levamain. Raschun saja sur tut la stagiun da stad ch'è ida a fin e chaschuna mintg'onn in zic dapli dischoccupaziun. Quai scriva l'Uffizi per industria mastergn e lavur dal Grischun.
En tut hajan radund 350 manaschis survegnì indemnisaziuns per lavur reducida en il Grischun.
En Svizra è dischoccupaziun sa reducida
En l’entira Svizra è il dumber da dischoccupaziun sa reducì sin 120'294 persunas. Quai correspunda ad ina quota da dischoccupaziun da 2,6%, sco il Secretariat da stadi per l'economia SECO scriva.
Ord l'archiv
video
Dapli dischoccupads en Grischun
Or da Telesguard dals 08.02.2021.
laschar ir. Durada: 24 Secundas.