Siglir tar il cuntegn

Header

cuntegn

Discriminaziun rassistica 100 dis post da cussegliaziun cunter rassissem

Donat Albin, il cussegliader tar il post da cussegliaziun cunter rassissem
Legenda: Donat Albin è cussegliader tar il post da cussegliaziun cunter rassissem. RTR, Milena Bassin

Rassissem en il Grischun

Dapi il schaner datti il post da cussegliaziun cunter rassissem en il chantun Grischun. Persunas che sa sentan dischavantagiadas pervia da lur origin, la lingua, la colur da pel u pervia da la religiun pon s'annunziar tar il post. Ussa lavuran ils cussegliaders e las cussegliadras en il rom da 20% d'ina plazza cumplaina, cunquai ch'i n'han l’entschatta anc betg uschè bleras annunzias. En ils ultims trais mais han els gì trais persunas ch'èn vegnidas tar els pervia da cas da discriminaziun rassistica. Quai po esser tar la lavur, tranter vischins, en il spazi public, en il contact cun autoritads u en l'internet. Er la populaziun dal Grischun è pertutgada da rassissem e discriminaziun.  

Igl è impurtant da sensibilisar la populaziun per quest tema e ch’ins discurra sur da rassissem e n'ignorescha betg quai.
Autur: Donat Albin Cussegliader tar il post da cussegliaziun cunter rassissem
audio
100 dis post da cussegliaziun cunter rassissem
aus Actualitad vom 04.04.2022.
abspielen. Laufzeit 3 minutas 4 Sekunden.

Pass per pass

Per s’annunziar dovran las victimas curaschi, ellas ston sa sentir prendidas serius. Il prim contact è per telefon u per e-mail, impurtant èsi che els ed ellas restian anonim. Suenter datti ina sesida be cun cussegliaders. Pir en il segund inscunter vegnan tiers autras instanzas, saja quai in translatur, l'uffizi social, la polizia u l’advocat, tut tenor il cas individual. Sche la persuna pertutgada fa ina annunzia tar la polizia u betg, quai è la decisiun dad ella sezza. Il post da cussegliaziun cunter rassissem è qua per sustegnair las persunas, els intervegnan mai senza che quai è il giavisch da la persuna.

RTR actualitad 12:00

Artitgels legids il pli savens

Scrollar a sanestra Scrollar a dretga