Siglir tar il cuntegn

Header

cuntegn

Allegra Vorarlberg… Tschigulatta austriaca

Dapi 13 onns fa la conditoria Fenkart a Hohenems tschigulatta. E dapi 13 onns sa numna la conditoria n’era betg pli conditoria, mabain «tschigulattaria»: Schokolade Fenkart. La tschigulatta datti en numerusas variantas, ma tut sto esser da buna qualitad – qualitad sco en Svizra.

Els na fetschian betg tschigulatta per discounters, di Gunter Fenkart che maina la firma.

audio
Tschigulatta austriaca
ord RTR Audio dals 29.04.2016.
laschar ir. Durada: 3 minutas 18 Secundas.

Avant 13 onns ha el surprendì la conditoria da ses geniturs e perquai ch’el ama tschigulatta ha el cumenzà a produzir sez. Uss dumbra la firma Fenkart 23 collavuraturs, 10 dad els èn occupads sulet cun la tschigulatta.

Ils svizzers aman la tschigulatta dal Vorarlberg

«Forsa na cumpran ils svizzers betg cun la megliera conscienzia la tschigulatta austriaca», manegia Gunter Fenkart, ma els cumprian regularmain tschigulatta sur cunfin. E per sa laschar inspirar mangia era el gugent la tschigulatta svizra.

Forsa na cumpran ils svizzers betg cun la megliera conscienzia la tschigulatta austriaca.
Autur: Gunter Fenkart Gestiunari

Artitgels legids il pli savens